Азнакайдан мобилизацияләнгән 45 егетне хәрби өйрәнүләргә озаттылар

Үзләренең сөекле улларын, ирләрен, туганнарын һәм дусларын хезмәткә озату өчен азнакайлылар Балалар иҗаты каршына җыелдылар.

Өлешчә мобилизация буенча чакырылган егетләргә район башлыгы Марсель Шәйдуллин да үзенең изге теләкләрен җиткерде.

– Сезнең барыгыз да – Геройлар. Барыгызга да исән-имин туган якларга әйләнеп кайтырга язсын. Хезмәткә чакырылучыларның гаиләләрен без ярдәмсез калдырмыйбыз, монысын ышандырып әйтә алам, – диде Марсель Шәйдуллин.

Райондашларыбызга хәрби комиссар Рәдиф Камалев та үзенең үгет-нәсыйхәтләрен ирештерде.

Ир-егетләрнең һәрберсенә барлык кирәк-яраклар тутырылган рюкзаклар әзерләнгән иде.

Озатучыларның көчле алкышлары астында автобус юлга чыкты. Казанда безнең егетләр хәрби өйрәнүләр үтәчәк.

Исән-имин туган ягыбызга әйләнеп кайтырга язсын!