Якташыбыз Марсель Исмәгыйлов “Батырлык өчен” медале белән бүләкләнүгә тәкъдим ителде

24 мартта Казан дары заводы склад бинасында янгын чыгуы һәм анда утка каршы көрәшүчеләрнең батырлыгы һәммәбезгә мәгълүм. Анда безнең якташыбыз, янгын сүндерү службасы җитәкчесе урынбасары Марсель Исмәгыйлов та кыюлык һәм батырлык үрнәкләре күрсәтте һәм "Батырлык өчен" медале белән бүләкләнүгә тәкъдим ителде. Марсель Миргазиян улы Азнакай янгын частендә инспектор һәм каравыл начальнигы булып эшләгән, 2007 елда Казанга эшкә киткән. Ул "Адмирал" сәүдә үзәгендә булган янгынны сүндерүдә дә катнашкан. Якташыбызның батырлыгы - азнакайлылар өчен дә зур горурлык ул. Афәрин!