Татарстанда 2 яшьлек бала хастаханәгә илткәндә җан биргән

ИА "Татар-информ", 2 август 2016 - 10:01

575

30 нчы июль көнне кичен Тәтеш шәһәре хастаханәсенә китергәндә 2 яшьлек кыз җан бирә. Әлеге факт буенча Россия Тикшерү комитетының ТР буенча тикшерү органнары башлангыч тикшерү үткәрә. Якынча мәгълүматларга караганда, бу көнне Спас районында урнашкан Вертолетный утравында Тәтешнең бер гаиләсе Казаннан һәм Мәскәүдән кайткан туганнары белән ял иткән. Кичен барысы...

Кичен барысы да өйгә җыена башлагач, берара 2 яшьлек кызның юклыгын күрәләр. Күпмедер вакыттан соң баланы Иделдә табалар. Беренче медицина ярдәме күрсәткәч, кызны көймәдә хастаханәгә алып баралар. Әмма юлда бала җан бирә.

Хәзерге вакытта суд-медицина экспертизасы билгеләнгән. Фаҗиганең барлык нечкәлекләрен ачыклауга юнәлдерелгән кирәкле чаралар үткәрелә. Тикшерү нәтиҗәләре буенча процессуаль карар кабул ителәчәк. Бу хакта Россия Тикшерү комитетының ТР буенча идарәсе җитәкчесе ярдәмчесе хәбәр итә.

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!