Санаторийда оҗмахта кебек рәхәт!

Бу атнада «Азнакай» санаторие түбәндәге шәһәрләрдән һәм төбәкләрдән килгән кунакларны кабул итте: Ярославльдән  – 2, Төмәннән – 5, Ижаудан – 4, Ханты-Манси автономияле округыннан – 2, Башкортстаннан – 33, Татарстаннан 40 кеше.

– Биредә ял итү рәхәт. Җиһазландыру, персонал, ашату – барысы да югары дәрәҗәдә. Азнакай шәһәре искитмәле матур. Без үзебез Каспийск шәһәрендә яшибез, ул да бәләкәй генә. Менә Азнакай аны хәтерләтә, әле яшеллек күп. Иң гаҗәпләндергәне – алмалар. Аллеядан барганда, бар җирдә – алмалар. Бездәге тут агачы җимешләре аяк астында ятса, сездә – алмалар. Чаралар, дискотекалар күңелле үтә. Әле 120 яшькә хәтле яшәргә һәм гел «Азнакай»  санаториена килергә тырышачакбыз, – дип сөйләде дагстанлы Александра Леменкова.

– Санаторийга очраклы рәвештә тап булдым. Дустыма сәламәтлегемә зарланып алгач, ул «О, киттек әйдә» дип, мине бирегә алып килде һәм миңа монда барысы да ошады. Хезмәткәрләре итәгатьле, өр-яңа җиһазлар, тәмле, файдалы ашату. Үзем татар булсам да, телемне инде оныттым. Ә монда мин икенче дөньяга килеп эләккәндәй – биредәге татарча белән рәхәтләнәм! Санаторийга беренче тапкыр килсәм дә, инде тормыш иптәшем белән килергә җыенам, – ди мәскәүле Мансур Әмиркаев.

Тулырак «Маяк» газетасында укый аласыз.

Фото һәм видео: Габитова Ландыш.