Санаторий чираттагы кунакларны каршылады!

Дуслар! Узган атнада гына «Азнакай» санаторие түбәндәге шәһәрләрдән һәм төбәкләрдән килгән кунакларны кабул итте: Сургуттан – 3, Самарадан – 4, Башкортстаннан – 25, Татарстаннан 51 кеше. Илебезнең башкаласы Мәскәүдән килгән ике ял итүченең санаторийдан һәм Азнакай шәһәреннән алган тәэсирләре белән дә кызыксындык.

– Дустым Ольгадан шушы әйбәт санаторий турында белдем – билетлар сатып алдык та килдек! Барлык процедуралар ошады. Тәмле һәм дөрес ашаталар, гәүдә бераз җыйналыр дип уйлыйм. Азнакай тыныч, рәхәт, башка шәһәрләр кебек түгел. Монда яшәүче халык та киң күңелле. Киләсе елны да шушы санаторийга киләчәкмен, – дип сөйләде Вадим Лещук.

– Мин санаторийга ирем, дус хатыным һәм танышларым белән беренче тапкыр килдем. Инде уңай тәэсир туды – ризыклар өйдә әзерләнгән кебек, күңелле кичәләр. Көннәре әйбәт торган чакта ачык бассейнга барырга өлгердек, шәһәр буйлап та йөрдек. «Азнакай» санаторие һәм шәһәр күңелемә хуш килделәр! – диде Наталья Луньо.

Тулырак “Маяк” газетасыннан укырсыз.

https://rutube.ru/video/6e3fd6608afc661576b105f8c3f526ce/?r=plemwd