Рәхәт ял иттек

Азнакай "Нефтемаш" заводы пенсионерларына бәхет елмайды: барыбыз бергәләп Чалпы санаториендә ял итеп, сәламәтлекне ныгытып кайттык. Табибә Сирина Налимова безне үз кайгыртуы астына алып, дәвалау курсы билгеләде, киңәшләрен бирде. Биредә эшләүчеләрнең яхшы мөгаләмәсе, тырышлыгы сокландырды. Пешергән ризыклары да телеңне йотарлык, бүлмәләр чиста, җылы.

Процедуралардан соң кич утырып бәйләдек, чиктек, дөнья хәлләрен сөйләштек. Әнә шулай тәнгә дәва, җанга сихәт алып вакытның үтүе сизелми дә калды, бик рәхәт булды.

Барлык ветераннар исеменнән Канига Хәмидуллина