Мәсгут авыл зиратында өмә үтте

Адам баласының соңгы йорты - зират. Бүген яшәгән йортыбыз ничек чиста булса, зиратларыбыз да җыештырылган, аның кабер рәшәткәләре буялган, чәчәкләр утыртылган булырга тиеш. Шунысы сөенечле, авылыбыз Мәсгуттә әлеге изге эшкә битараф карамыйлар, авыл халкы зиратларны җыештыру өмәләренә ел саен бердәм булып кушыла. Быел ул район күләмендә үткән "Мәрхәмәтле Азнакай" акциясе кысаларында оештырылды. Авыл зиратын кипкән үләннәрдән, корыган куаклардан чистартуда, коймаларны буяуда Ирек Җамалиев, Алмас Таҗиев, Данис Мурзин, Фәнзия Шакурова, Илсөяр Мохитова, Азат Мурзин, Фәндәрия һәм Миңнегөл Хәсәновалар зур тырышлык куйдылар.

Нәфисә Җамалиева, Мәсгут авылы