Бөтенроссия инвалидлар көне уңаеннан Азнакайда 5 чара узачак

Азнакай шәһәре Яшьләр үзәге Бөтенроссия инвалидлар көне уңаеннан шәһәрдә берничә чара оештыра. Әлеге чараларга әти-әниләре белән берлектә махсус коррекцион мәктәп укучылары һәм сәламәтлеге чикләнгән балаларны тәрбияләүче гаиләләр чакырыла.

2 декабрь - туган якны өйрәнү музеена экскурсия.

5 декабрь - күңел ачу буенча уен программасы.

7 декабрь - «Восток» кинотеатрында хәйрия киносеансы.

8 декабрьдә балалар үз куллары белән төрле матур кул эшләре башкара алачак.

9 декабрь - курчак театры һәм чәй өстәле.

Әлеге чаралар Азнакай районы яшьләр эшләре буенча идарәсе тарафыннан лав радио дача һәм «Восток» сәүдә үзәге белән берлектә оештырыла.