Азнакайлылар сак булыгыз! Сагыз үлемгә чакыра!

Татарстан Республикасы Прокуратурасы халык өчен куркыныч продукция белән сәүдә итү турында махсус мәгълүмат белән мөрәҗәгать итте.

Интернет челтәрендә кибетләрдә тышкы кәгазендә «Правда или действие» уенына чакыру язылган сагызлар сатылу турында хәбәрләр күренә. Ягъни, анда «үлем төркемнәре» биремнәре бар, бу әти-әниләрне борчуга сала.

Мәсәлән, кайбер сагыз тышларында иң югары җәмәгать урынына менеп селфи ясарга чакыралар. Яисә: "Дөреслек: үлем алдыннан нәрсә эшләргә өлгерергә кирәк?" дигәне дә бар. Әлеге сагызның маркасы - "Five".

Азнакайлылар, саграк булыгыз! Балаларыгызга күз-колак булыгыз!