Азнакайда явым-төшемнәрсез эссе һава торышы саклана

Татарстан синоптиклары мәгълүматына караганда, иртәгә республикада, шул исәптән Азнакайда да, явым-төшемнәрсез эссе һава торышы саклана. Аязучан болытлы һава. Төньяк-көнбатыштан талгын җил исәчәк.

Төнлә 20 градус җылы. Көндез температура 28 градуска кадәр күтәрелер дип фаразлана.

31 июль көнне дә явым-төшемнәр ихтималы аз. Төнлә шулай ук 20 градус җылы булса, көндез температура 29 градуска кадәр күтәреләчәк. Бу хакта гидрометеорология һәм әйләнә-тирә мохитны күзәтү идарәсе хәбәр итә.

Август башы Азнакай халкына яшенле яңгырлар һәм 31 градуслык челлә фарыз итә.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!