Азнакайда янгын саклау системаларының төзеклеге тикшерелә

24 янгын сүндерү һәм коткару бүлеге хезмәткәрләре Азнакай нефтьчеләре белән берлектә «Татнефть» ГАҖнең җитештерү объектлары буенча рейдлар үткәрәләр.

Барлык объектларда хәбәр итү һәм сигнализация системалары янгын вакытында кешеләрнең һәм мөлкәтнең куркынычсызлыгын тәэмин итә. Бер модификация-янгын сүндерү бүлегенә янгын турында хәбәр итәләр, икенчеләр – бинада булган кешеләргә хәбәр итә, өченчеләр – автоматик янгын сүндерү чаралары белән идарә итәлә. Система тозек булырга , таләпләренә туры килергә тиеш. Моның өчен янгын сигнализациясенең эшкә сәләтлелеген даими тикшерү кирәк. Нефть объектларында янгын сүндерү автоматикасы җайланмаларын тиешле техник халәттә тоту һәм аларның өзлексез эшләвен тәэмин итү янгыннардан ышанычлы саклануның нигезе булып тора. Шартлау куркынычы булган нефть әзерләү объектларына аерым игътибар бирелә, анда автоматика системалары белән чыккан янгын турында вакытында белу бик мохим.

Бу көннәрдә «Азнакайнефть» идарәсенең янгын-техник комиссиясе һәм янгын сүндерү хезмәте белгечләре барлык булган янгын сүндерү чараларының әзерлеген тикшерәләр, барлык цехларда һәм участокларда автоматлаштырылган янгын сигнализациясе приборлары белән эшләү кагыйдәләре, шулай ук янгын сигнализациясе сигнал биргэн очрактагы кагыйдэлэр буенча дежур персоналга инструктажлар үткәрелде.