Азнакай шәһәренең яшь армиячеләре илне сакларга әзер

Казанда узган Татарстан Республикасының "Яшь армия" Бөтенроссия балалар-яшүсмерләр хәрби-патриотик хәрәкәте слетында җирле штаб начальнигы Ринат Җиһаншин һәм мәгариф идарәсенең тәрбия эшләре буенча методисты Светлана Җамалиева җитәкчелегендә 9 нчы мәктәп яшь армиячеләре дә катнашты.

Укучылар танк училищесына, "Казан ярминкәсе"ндә "Россия - минем тарихым" дигән күргәзмәгә сәяхәт кылдылар, хәрби кинофильмнар һәм патриотик рухтагы концертлар карадылар.

- Слеттан зур тәэсирләр алдым һәм киләчәктә хәрби һөнәр сайларга дигән карарга килдем. Илне үз улларыннан да яхшырак саклаучы булмаячак, - ди 7 нче сыйныф укучысы Ислам Корбангелдиев Казанга барырга ярдәм итүчеләргә рәхмәтен белдереп.