Азнакай егете, Россия Герое иҗатта да танылды

Бүгенге көндә Мәскәү шәһәрендә яшәп ятучы якташыбыз – әфган сугышы ветераны, Россия Герое Ильяс Дилшат улы Даудиның (Сафин) “В круге Кундузском” дип аталган өч томлык романы РФ Саклану министрлыгының мәдәният һәм сәнгать өлкәсе премиясенә лаек булды. Аны Россия Армиясенең Үзәк академия театрында тантаналы шартларда тәбрик иттеләр.

Ильяс Даудиның бик күп кайтавазларга ия булган, әдәбият өлкәсендә югары бәяләнгән романы геройлары арасында чордашлары-сугышчан дуслары - Азнакай егетләре дә бар.

Якташыбызны чираттагы мәртәбәле бүләкләре белән котлыйбыз һәм иҗатын уңышлы дәвам итүен телибез!