Азнакай эшмәкәрләре гозерләре ишетелде

Алар «Азнакай ПМК»сында эшмәкәрләр белән очраштылар. Ачык сөйләшүдә шулай ук район эшмәкәрләре советы рәисе Әнвәр Җиһангиров та катнашты. Эшмәкәрләрнең һәрбер гозере, теләк-тәкъдиме тыңланды һәм игътибарга алынды. Кунаклар сәнәгать мәйданчыгын карадылар — аларны эш процесслары, көн кадагында булган мәсьәләләр һәм киләчәккә планнар белән таныштырдылар.

— Без Азнакай эшмәкәрләре белән аралашыр, аларның эш вакытында килеп чыккан сорауларында ярдәм итәр, теләкләрен, тәкъдимнәрен Татарстан Республикасы каршындагы эшмәкәр хокукларын яклау буенча вәкаләтле вәкил Фәрид Абдулганиевка җиткерер өчен килдек, — ди Рания Шәрәфиева.

Евгений Безроднов та эш сәфәрен кылу сәбәпләре турында сөйләде:

— Җәмәгать кабул итү бүлмәсенә Азнакай районыннан төрле мөрәҗәгатьләр килә. Күпчелек сорауларны караганда без дәүләт хакимияте органнары белән хезмәттәшлектә торабыз. Чишә алмаслык мөрәҗәгатьләр юк, чөнки без эшмәкәрләрнең мәнфәгатьләре һәм хокуклары саклансын, ә бозылган чакта, торгызылсын өчен тырышлык куябыз, — ди Евгений Безроднов.

Тулырак «Маяк» газетасында укый аласыз.