«Маяк» Актүбәдә призлар уйнатты (ФОТО)

Резеда ШАРИПОВА, 25 ноябрь 2019 - 09:00

1275

Редакциябез 2020 елның беренче яртыеллыгына “Маяк” газетасына язылучылар арасында призлар уйнатуны дәвам итә.

Аның чираттагысы Актүбә бистәсе китапханәсендә узды. Барлыгы 70 тән артык квитанция җыелган иде. Әбүнәчеләребез үзләре дә кызыксынып уен барышын карарга килгәннәр.

Китапханәче Светлана Рахина чараны оешкан төстә, җылы итеп алып барды. “Маяк” газетасы баш мөхәррире Фәрхәт Шәйхулов иганәчеләргә һәм әбүнәчеләргә рәхмәтен җиткереп, кыскача редакция эшчәнлеге белән таныштырды.

Төп призлар – Актүбә бистәсенең ”Барс” балалар һәм яшүсмерләр спорт мәктәбеннән тренажер залга бер айлык абонемент, “Магия чая” кибетеннән тәм-том тутырылган ике тартма булды.

Шулай ук редакция дә көнкүрештә кирәкле бүләкләр әзерләп алып килгән иде.

Актүбәлеләр очрашудан күңелләре булып, тагын чакырып калдылар.