“Маяк”тан барлык районыбыз яңалыкларын укып, уңышларына сөенеп, киләчәк планнары турында белеп торабыз

– 1984 нче елдан Азнакайга күчкәннән бирле, бер ел да калдырмыйча “Маяк”ка язылып барам. Бүген дә газетага язылырга дип, редакциягә килдем. Әгәр дә газета вакытында өйгә килми калса, нәрсәдер югалткан кебек бит ул.  Анардан барлык районыбыз яңалыкларын укып, уңышларына сөенеп, киләчәк планнары турында белеп торабыз. Халыкның сәламәтлеге дисеңме, рекламамы, хезмәт күрсәтү, эшмәкәрләр турында дисеңме – болар барсы да газета битләрендә яктыртылып бара. “Маяк” газетасы аркылы барлыр Азнакаебыз һәм Республикабыз яңалыклары белән танышып киләбез. Шуңа күрә дә, сезне, хөрмәтле райондашларым, үзебезнең бердәнбер район газетасына язылырга чакырам!