Азнакайның 1 нче мәктәп бинасында урнашкан 526 нчы сайлау участогында Шәйхетдинов һәм Монолит микрорайоннарында яшәүче 1473 кеше тавыш бирә.
Аларның 35е - сайлауларда беренче тапкыр катнашучылар.
Сайлау участогы рәисе Лилия Гафиева сүзләренчә, иртәнге сигездән биредә җанлылык күзәтелә.
Халык участок үз эшен башлаганчы җыелган иде инде. Күпчелек кеше участокка кергәндә: «Бәйрәм белән! » дип сәламли. Бу райондашларыбызның республика һәм илебезнең киләчәгенә битараф булмавын күрсәтә,
– ди ул.
Күпләр сайлау участогына гаиләләре белән килә. Аларның теләге дә уртак – алдагы көннәрнең имин һәм якты булуы.
Нет комментариев