Волонтёрлар бердәмлеге: бергә — мөһим эш өчен

Автор : Миляуша Тимбакова 

Өч волонтерлык төркеме вәкилләре — «Добрые сердца», «Забота ветеранов» һәм «Ак чэчэклэр» — бергә җыелды.

Бу коллективларны ярдәм итүгә омтылыш кына түгел, ә чын мөһим бер эш берләштерә: алар хәрбиләр өчен маскировка челтәрләре үрәләр. Эш ике сменада бара, һәрберсе тулы көч биреп, һәр метр челтәрнең нинди кыйммәтле икәнен аңлап эшлиләр.

Очрашуның мөһим моменты булып, Азнакай муниципаль районы Советы аппараты җитәкчесе Эльвира Галиева катнашуы торды. Үз чыгышында ул волонтерларга үз фидакарь хезмәтләре өчен чын күңелдән рәхмәт белдерде һәм мондый бердәмлекнең җәмгыятьнең чын терәге икәнен ассызыклады.

Программада аерым игътибар волонтерларга  тыгыз эштән эзрәк  онытылу  һәм үзләрен  команданың бер өлеше итеп хис итү өчен юнәлдерелде. «Добро.Центр» җитәкчесе Лилия Басырова әйтүенчә, бүген мәдәният үзәге белән бергәләп катнашучылар өчен кечкенә бәйрәм оештырылган.

Волонтёрлык — бик якты хезмәт ул. Кешеләрнең эшләп кенә түгел, ә шатланырга, аралашырга, яннарында шундый ук битараф булмаган йөрәкләр күпме икәнен күрү мөмкинлеге дә булуы мөһим,

— дип аңлатты Лилия Басырова.

Бәйрәм җылы һәм ихлас килеп чыкты. Волонтерлар өчен күңелле уеннар оештырылды — алар атмосфераны җиңеләйтте, көлдертеп, команда рухын тагын да ныгытты. Ә төп сый буларак катнашучыларга хуш исле пылау тәкъдим ителде.

«Парус» базасындагы очрашу тагын бер кат ассызыклап үтте : кешеләр изге, мөһим бер эш башкарыр өчен берләшкәндә, яңа проектлар артканнан арта бара.