Азнакайның Ак әбисе Фәүзия Миргалиева 100 яшен тутырды
Шәһәребездә гомер итүче Фәүзия әби юбилее уңаеннан котлаулар кабул итте
Фәүзия Касыйм кызын кичә бер гасырлык бәйрәме белән район башлыгы Марсель Шәйдуллин тәбрик итте. Ә бүген ул район башлыгы урынбасары Айдар Хәлиуллин, пенсия фонды идарәсе җитәкчесе Миләүшә Шәйдуллина, бер чорда эшләгән хезмәттәшләреннән котлаулар кабул итте.
Фәүзия апа - Сәпәй авылы кызы. Бик яшьли авыр хезмәт арбасына җигелә ул.
«Сугыш башлангач, авылда картлар, бала-чагалар гына калды. Нинди эш кушалар, каршы килеп тормадык, көч җитәме-юкмы, барысын да эшләдек», - ди гасыр чордашы.
Бөек Ватан сугышы ветераны Гариф ага белән алар өч бала тәрбияләп үстерәләр. Фәүзия апа үзе лаеклы ялга чыкканчы Азнакайда собеста эшли.
Бүген түгәрәк, имин тормышына шөкер итеп, балалары, онык-оныкчыкларының күңел җылысын һәм ихтирамын тоеп яши 100 яшьлек ветеран.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев