«Маяк» журналистлары җиңү белән кайттылар!
Азнакай район газетасы редакциясе хезмәткәрләре Питрәчтә үткән журналистлар Сабантуенда төрле дисциплиналарда 6 медаль яулады, шулай ук редакция үзенең нәтиҗәле хезмәте өчен «ТАТМЕДИА» АҖ дипломы белән дә бүләкләнде.
Журналистларыбыз төрле уеннарда һәм конкурсларда үз көчләрен сынадылар. Алар капчык киеп йөгерү, кашык белән су ташу, аркан тартуда актив катнашып, күп төрле бүләкләр алдылар. Ир-атлар исә милли көрәштә катнаштылар.
Барлык ярыш нәтиҗәләре буенча баш мөхәррир Фәрхәт Шәйхулов армрестлингтан, ә команданың хатын-кызлар өлеше аркан тартудан икенче урынны яулады.
Бар осталыкларын, зирәклекләрен җигеп, бер команда булып, журналистларыбыз нинди генә сынаулар узмадылар! Үзләренең эштә генә түгел, спортта да кыюлыкларын, максатчанлыкларын, бердәмлекләрен күрсәттеләр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев