Кәкре Елга Сабантуенда кем батыр калган?
Бу хакта чак кына соңрак. Ә хәзер, әйдәгез, Сабантуйның кайбер бизәкләрен барлап китик.
Алдан ук матур итеп бизәлгән мәйдан авыл халкы, килгән кунакларның шат авазына күмелде: кочаклашып күрештеләр, хәл- әхвәл белештеләр. Аннары инде барысы бергә авыл биләмәсе җитәкчеләре һәм район үзәгеннән килгән вәкил - мәгариф идарәсе җитәкчесе Зөлфия Гыйләҗеваның бәйрәм котлавын кабул иттеләр.
Уен- бәйгеләр бик кызу барды. Аларның ниндие генә юк: капчык киеп узыш, утын кисү, таяк тартыш, колга буйлап менү.... Әлбәттә, милли көрәшкә аерым игьтибар булды. Анда, борынгыдан килгән тәртип буенча, авыл ир- егетләре генә бил алыша.
Халыкның дәртле хуплау авазлары астында келәм батырлары бер- берен алыштыра торды. Ниһаять, халык төп батырны алкышлап кул чапты. Ул - Данис Ибраһимов иде. Бүләк тәкәне егетнең иңенә салдырып мәйдан әйләндерделәр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев