Азнакайның авыл хуҗалыкларында техниканың язгы чәчүгә әзерлеге тикшерелде
Муниципаль район башлыгы Марсель Шәйдуллин җитәкчелегендә комиссия бүген хуҗалыкларның язгы кыр эшләренә әзерлеген тикшерде.
Авыл хезмәтчәннәре өчен кызу чор башланырга санаулы вакыт калып бара. Бүгенге көндә алар техниканы ремонтлап-көйләп бетерү, чәчүлек орлык, ягулык-майлау материаллары, ашлама сатып алу кебек эшләр белән мәшгуль.
– Быел 100 мең гектардан артык җирдә чәчү эшләре көтелә. Күпчелек хуҗалыкларда техника әзер. Булган сораулар буенча без үз ягыбыздан ярдәм итәчәкбез. Алда торган бурыч – чәчүне вакытында матур итеп башкарып чыгу, – диде Марсель Шәйдуллин.
Комиссия хуҗалык җитәкчеләре, механизаторларның киңәш-гозерләрен тыңлап, нинди ярдәм кирәклеген ачыкладылар. Аларга эшләрендә уңышлар теләделәр.
Игенчеләрнең әзерлеге турында тулырак «Маяк» газетасыннан укыйласыз.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев