Азнакай кырларында урып-җыю эшләре гөрли
Табигать игенчеләргә һәр елны зур сынаулар сала. Менә быел ул басу-кырлардагы игеннәрне яңгырга тилмертте.
Шулай да югары технологияләр шундый кырыс шартларда да уңыш алырга мөмкинлек бирә.
Без авыл хуҗалыгы һәм азык-төлек идарәсе җитәкчесе Рамиль Исламов белән "Август-Азнакай" һәм "Таллы Бүләк" хуҗалыклары басуларында эшләрнең барышы белән таныштык.
"Район буенча 8 мең гектардан артык мәйданда бөртекле һәм бөртекле-кузаклы культуралар суктырылды. Уртача уңыш 17 центнер чыга. 20-25 центнер алучы хуҗалыклар да бар. Кырау ныклап суккан басуларда күрсәткечләр түбәнрәк. Хәзер бөтен көчне булган уңышны югалтусыз җыеп алу", - ди Рамиль Исламов.
"Август-Мөслим" җәмгыяте Азнакай бүлекчәсенең кайбер басуларында гектардан 33 центнер уңыш алалар.
" Без нулевой технология кулланабыз. Җирне сөрмибез, суккан салам җирдә кала, ул чәчкәндә дымны саклый. Туфракны ашлау да зур роль уйный", - ди Азнакай бүлекчәсе җитәкчесе Равил Ризатдинов.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев