Азнакайлыларның бушлай юридик ярдәм алу мөмкинлеге бар

Махсус электрон сервис ярдәмендә һәркем, шул исәптән азнакайлылар да, бушлай юридик ярдәмгә ия була ала.

Хокук.рф (Вправе.рф)хокукый ярдәм порталы аша телефон буенча юрист консультациясен алырга, язма җавап алу өчен квалификацияле юристларга сорау җибәрергә, Татарстан Республикасы дәүләт юридик бюросына көндезге кабул итүгә язылырга, хокукый документлар белән танышырга мөмкин.
Моннан теләге булган һәркем таныша, андагы хезмәтләрдән файдалана ала.  Моның өчен түбәндәгеләрне үтәргә кирәк:

1. Порталның шәхси кабинетында дәүләт хезмәтләре аша теркәлергә (gosuslugi.ru).

2. «Юридик ярдәм сорап мөрәҗәгать итү» бүлеген сайлагыз һәм «Мөрәҗәгать җибәрү» төймәсенә басыгыз.

3. Алга таба шәхси мәгълүматны үзегезнең сорау-мөрәҗәгатькә карап тутырыгыз.

1 адым – бушлай юридик ярдәм алу хокукына ия булган ташламалы категорияне сайлау (мондый категориягә кергән очракта).

2 адым – мөрәҗәгатьнең эчтәлеген, юридик ярдәмнең төрен, Сезнең белән аралашуның кирәкле форматын күрсәтегез һәм кабул итүгә язылыгыз.