Азнакай волейболчылары республикада беренче!
Узган ялларда Казанда муниципаль хезмәткәрләр спартакиадасы исәбенә хатын-кызлар командалары арасында волейбол ярышлары үтте.
Муниципаль хезмәткәрләрдән торган район Советы оештыру бүлеге начальнигы, команда капитаны Эльвира Галиева җитәкчелегендәге Азнакай командасы бу юлы да үзләренең барысыннан да өстенрәк булуларын исбатлап, алтын медальләргә лаек булдылар.
Тренер Сергей Галаганов кул астында осталыкка төшенгән кызларыбыз башта Әлмәт, Яр Чаллы, Түбән Кама шәһәрләре командаларын җиңүгә иреште.
Финал уеннарында алар көчлеләрдән булган Казан һәм Зәй шәһәрләре волейболчыларын 2:0 исәбе белән җиңүгә ирештеләр.
Шунысын да әйтергә кирәк, соңгы спартакиада уеннарында безнең Азнакай хатын-кызлар җыелма командасы волейболда шулай ук алдынгы булган иде. Узган ел санитар-эпидемиологик вәзгыять киеренке тору сәбәпле, спартакиада уздырылмады.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев