Шәһәребезнең “Чатыр-тау Арена” спорткомплексында атна саен диярлек спорт чаралары оештырылып, анда теләгән һәркем ГТО нормативларын тапшыра.
"Хезмәткә һәм оборонага әзер" Бөтенроссия физкультура-спорт комплексы нормативларын тапшыруга багышланган чираттагы чараларның берсе кичә гимназиядә үтте.
Анда мәктәп укучылары һәм укытучылар, барлыгы 350дән артык кеше, үз яшьләре буенча нормативлар тапшырдылар.
– Мондый чараларны шәһәребезнең башка мәктәпләрендә дә уздырачакбыз. ГТО нормалары 11 яшь категориясе буенча кабул ителә, – ди нормативларны кабул итү үзәге җитәкчесе Гүзәл Шириазданова.
Нет комментариев