Азнакай волейболчылары Рушат Исламовны искә алдылар
Бүген шәһәрнең «Чатыр-Тау Арена» спорткомплексында якташыбыз Рушат Исламов истәлегенә волейбол ярышлары үтте.
Ярышларны ачу тантанасында район башлыгы Марсель Шәйдуллин, Рушатның якыннары, дуслары катнашты.
-Рушат Рамиль улын без туган җиренең чын патриоты, спортчы буларак беләбез, зур хөрмәт белән искә алабыз, - диде район башлыгы.
Рушатның әтисе Рамиль Исламов улларын хөрмәт итеп килгән спортчыларга рәхмәт сүзләрен җиткерде.
-Кечкенәдән спортны яратты, Әлкәй авылы өчен яшьләр спартакиадасында таяк тартуда, волейболда катнашып, җиңүләр яулап килде. Районның волейбол буенча җыелма командасы составында уйнады. Эшләгән урынында да спорттан аерылмады, - ди Рамиль Исламов.
Яшь спортчы истәлегенә уздырылган икенче турнирда быел 1 нче, 7 нче мәктәп, Землеотвод, Җәлил бистәсе яшьләре, Актүбә бистәсе, Сарлы Әлкәй, Урсай, Туйкә авыллары, "Челтәр компаниясе", Азнакайның җыелма, ветераннар, яшьләр, мәгариф идарәсе командалары катнашты.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев