Азнакайда Май чабу бәйрәме узды
Бүген шәһәребезнең Мәдәният йорты каршындагы мәйданда славяннарның борынгы йоласы – Май чабу (Масленица) бәйрәме узды.
Азнакайлыларны бәйрәм белән муниципаль район башлыгы Марсель Шәйдуллин тәбрикләп, изге теләкләрен җиткерде.
– Азнакайда төрле милләт вәкилләре гасырлар дәвамында бердәм, кулга-кул тотынып эшли һәм яши, бәйрәмнәребез дә уртак. Алга таба да шулай килешеп, тату яшәргә язсын, – диде ул.
Кышны озату, язны каршылау бәйрәме уеннарга, җырга, биюләргә бай булды. Халык артистларга кушылып биеде, бәйгеләрдә көчен сынады.
Авыл мәдәният хезмәткәрләре әзерләгән өстәлләр сый-нигъмәттән сыгылып торды, самоварлар кайнап утырды, халыкны чәй һәм беленнәр белән сыйладылар.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев