Азнакайда Белем көне чәчәкләргә мул булды
Бүген районыбыз мәктәпләрендә Белем көне узды.
Яңа уку елы башланганны белдереп, беренче кыңгырау чыңлады. 23 мәктәптә барлыгы 7019 бала белем алачак. Ә 799 бала беренче сыйныфка бара.
Азнакай 1 нче урта мәктәбендә беренче сыйныфка 81 бала килгән. Биредә спорт сыйныфы да ачылган.
Укучыларның, укытучыларның, әти-әниләрнең бәйрәм шатлыгын муниципаль район башлыгы Марсель Шәйдуллин да уртаклашты.
“Тырышып укыгыз, илебезнең, туган ягыбызның патриотлары булып үсегез!”, - дип укучыларга Белем иленә хәерле юл теләде.
Мәгариф идарәсе җитәкчесе Зөлфия Гыйләҗева белдергәнчә, быел Азнакай 1 нче урта мәктәбендә технологик сыйныф ачылган һәм бу сыйныфка 15 компьютер алынган. Шулай ук 7 мәктәптә табигый-фәнни класслар эшләячәк. Федераль программа буенча аларда “Үсеш ноктасы” кабинетлары булдырылган. 3 мәктәптә 17 млн сумга азык-төлек блоклары ремонтланган.
Белем көне чәчәкләргә мул булды. Укучылар 3 ай буе җәйге ялдан соң мәктәпләрен сагынып килгәннәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев