Марсель Шәйдуллин азнакайлыларны Ватан сакчылары көне белән котлады

Хөрмәтле райондашлар!  Сугыш һәм  хезмәт ветераннары, запастагы, ил сагындагы һәм булачак солдатлар!

Сезнең барчагызны да  Ватанны саклаучылар көне белән ихластан тәбрик итәм. Илебезнең данлы тарихын халыкның батырлыгыннан һәм  ватанпәрвәрлегеннән  башка күз  алдына да  китереп  булмый. Бу көнне без тиңдәшсез батырлыгы яшь буыннар өчен гасырлар  дәвамында үрнәк  булып калган  Бөек Ватан сугышы  ветераннары алдында хөрмәт белән баш иябез, кулына корал алып илебезне саклаган, интернациональ бурычларын үтәгән лачын ир-егетләребезгә соклану белдерәбез. Бәйрәм белән котлап, бүгенге көндә илебез иминлеге сагында намуслы һәм тугрылыклы хезмәт итүчеләргә чын күңелдән уңышлар, ә ветераннарга һәм район халкына нык сәламәтлек, иминлек һәм аяз күк йөзе телим!

Марсель Шәйдуллин, Азнакай муниципаль районы башлыгы