Бәйрәмегез белән, почта хезмәткәрләре!

Июльнең икенче якшәмбесендә билгеләп үтелүче Россия почтасы көне илебездәге иң яшь бәйрәмнәрнең берсе. Шуның белән бергә дәүләтнең барлыкка килү этабында туган почта хезмәтенең зур һәм данлы үткәне бар. Почта хезмәте, мәгълүмати технологияләр никадәр алга китеп, элемтә чаралары ашыгыч төстә үсеш алса да, безнең тормышыбызның аерылгысыз өлеше булып исәпләнә. Елдан-ел сез халыкның арта барган ихтыяҗларын канәгатьләндерү максатында хезмәт төрләрегезне киңәйтәсез. Район халкы һәр көнне сезнең тырыш хезмәтегез нәтиҗәләреннән файдалана. Иң ерак урнашкан авыллар да гәзит-журналларны, өлкән яшьтәгеләр пенсияләрен вакытында алалар.

Бу тармакта үз һөнәрләренә ихлас күңелдән бирелгән, бөтен энергияләрен һәм еллар буена тупланган тәжрибәләрен уртаклашкан тырыш кешеләр эшли. Ышанам, коллектив алга таба да куелган бурычларын намуслы үтәр.

Һөнәри бәйрәмегез белән котлап, барчагызга да нык сәламәтлек, уңышлар, иминлек һәм бәхет телим. Бәйрәм белән сезне!

Марсель Шәйдуллин, Азнакай муниципаль районы башлыгы.