30 апрель – Янгын сагы көне

Хөрмәтле янгын сагы хезмәткәрләре, тармак ветераннары! Хөрмәтле янгын сүндерү хезмәткәрләре һәм ветераннары!
Сезне һөнәри бәйрәмегез – Янгын сагы көне белән чын күңелдән котлыйм!
Сезнең хезмәт һәрвакыт иң куркыныч, әмма иң игелекле хезмәтләрнең берсе булды. Сез районда гадәттән тыш хәлләрне булдырмый калуга
һәм аларга каршы тору белән бәйле чараларны вакытында үткәрүгә, профилактик эшчәнлек алып баруга зур игътибар бирәсез.
Үзегезгә йөкләнгән олы һәм авыр бурычны намус белән үтәвегез һәм һәм һәрвакыт оперативлык күрсәтүегез өчен барлык янгын сагы хезмәткәрләренә, ирекле янгын сүндерүчеләргә, тармак ветераннарына зур рәхмәт. Сезгә җиңел булмаган эшегездә уңышлар, батырлык,
гаиләләрегезгә бәхет һәм ныклык телим, янгын машиналарының сиреналары мөмкин кадәр сирәгрәк яңгырасын иде.

Марсель Шәйдуллин, Азнакай муниципаль районы башлыгы