Тымытыкта солдатларга маскировка-киемнәр тегәләр
Азнакайлылар Украинда бара торган хәрби операциядә катнашучы ватандашларыбызга беренче көннән үк ярдәм күрсәтәләр.
Әле менә Тымытык авылында хатын-кызлар маскировка-киемнәр тегә башлаганнар.
– Көн саен мәдәният йортында дүртәр сәгать эшлибез. Әбиләр биргән акчага киндер тукымалар алдык, Кәкре Елга авылыннан да 40 киндер капчык бүләк иттеләр. Аларның җепләрен сүтеп, маскировка киемнәр тегәбез, – ди Люция Шәйгарданова.
Тымытыклылар моңа кадәр дә күлмәкләр, чалбарлар, трусиклар, оекбашлар белән фронтка ярдәм күрсәткәннәр. Нәсимә Хафизова, Тәслия Ихсанова – 30 ар, Рима Хәйруллина 20 пар оекбаш бәйләгән, барлыгы авылдашлардан 130 пардан артык оекбаш киткән. Сирина Минушина берүзе генә дә 6 күлмәк, 90 трусик, 18 чалбар теккән. Люция Шәйгарданова тукымаларны кисеп торучы һәм ире Илһам белән тиешле урынга илтеп җиткерүче дә.
– Ир-егетләребез исән-сау җиңеп кайтсыннар, дөньяда тынычлык урнашсын иде, – диләр тымытыклылар.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев