Бүген мин су сибүче

 Бүген көн бигрәк эссе,

Кайнар мунчада төсле.

Чәчәкләр башын игән:

“Бармы бер су сибүче?”

Суган, кыяр һәм кишер:

“Су китер, –  ди, –су китер!”

Сулмасын, көймәсеннәр –

Ничек тә булса өлгер!

 Су сорый тагын җиләк,

Сибәм мин чиләк, чиләк.

Алма, чия карлыган…

Тагын крыжовник калган!

Кабак, кавын һәм кыяр

Су коям да, су коям!

Помидор, борыч, суган:

“Тиз йөгер, сулам, сулам!”

Ай-һай көннәр бик эссе-е-е

Мин  бүген – су сибүче.