Азнакай Бөтенрәсәй субботникка кушылды

Күмәкләшеп эшләү ул – халкыбызның да, илебезнең дә күркәм бер гадәте. Уртак көч белән генә зур эшләрне башкарып була. Җирлегебез чисталыгы бары тик бездән тора – чүп-чарны тиешле җирдә ташларга, түгәргә, себерке, тырма кебек коралларны кулга алып, тирә-юньне матурларга, пөхтәләндерергә генә кирәк.

Районыбыз халкы бу эшкә зур җаваплылык белән килде: ямьле кояшлы көндә һәркем коралланып, кардан әрчелгән җиребезне, сукмак-юлларны, биналар тирәсен кипкән яфрактан, тузаннан, пычрактан арындыра. Оешма-предприятие хезмәткәрләре бергә иңгә-иң эшлиләр. Колор кибете хезмәткәрләре дә Бөтенрәсәй субботник буласын белеп, шушы изге гамәлгә кушылырга теләделәр, чөнки урамнарда чисталык, беренче чиратта, үзебезгә кирәк һәм үзебездән тора!