“Маяк” Гашыйклар көненә бәйге игълан итә
Гашыйклар көне кыш суыгында йөрәкләргә җылы өстәп, күңелләребезне алгысытып ала. Бу чорда яшь-җилкенчәк бер-беренә бүләк-сюрпризлар ясап мәш килсә, өлкәнрәкләр, тәгаен, хәтерләрен яңарталардыр.
Әйдәгез, без дә хөрмәтле газета укучыларыбыз, беразга гына дөнья мәшәкатьләреннән аерылып, Гашыйклар көне уңаеннан бәйгедә катнашып алыйк. Бер-берегезгә мәхәббәт чагылган иң шәп фотосүрәтләрне “Конкурска” дигән тамга белән 10 февральгә кадәр, исем-фамилиягезне, элемтә өчен телефон номерыгызны күрсәтеп, azmayak@mail.ru электрон адресына җибәрегез. Бер катнашучыдан бары бер генә фотосүрәт кабул ителә. Катнашучыларның яше 18 дән өстә булырга тиеш.
Фотосүрәтләр Инстаграмда aznakaevo_rt.ru битенә куела барачак. Конкурска йомгак 11 февральдә ясала.
Иң күп лайк җыйган фотосүрәт җиңүче дип табыла һәм аны редакциядән приз көтә.
Конкурсның положениесе белән aznakaevo-rt.ru сайтында таныша аласыз.
Фото: https://pixabay.com
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев