“Маяк” бәйге игълан итә

Ямьле дә, гамьле дә, тәмле дә фасыл ул җәй. Әйдәгез әле, хөрмәтле укучыларыбыз, аның хозурында бергәләп рәхәтләник тә, күңелле дә, тынгысыз да печән өстенең, җиләк-җимешләр, яшелчә, гөмбәләр җыйган һәм алардан кайнатмалар, кышка тәмле салатлар ясаган чакларның, балык тотып ял иткән вакытларның иң шәп мизгелләрен фотосурәтләргә төшереп, “Маяк”ның яңа бәйгесендә катнашыйк!

Бәйге номинацияләре:

-печән өсте;

-себерке бәйләү;

-җиләк-җимеш җыю чоры;

-кайнатма әзерлибез;

-балыкка бардык;

-бәрәңге изасы;

-умартачы мәшәкатьләре;

-бакча эшләре;

-йорт, каралты-кура төзибез;

-мал-туар арасында.

Фотосурәтләрне газетабызның azmayak@ mail.ru электрон почтасына “Конкурска” дигән тамга белән, исем-фамилиягезне, кайда яшәвегезне күрсәтеп, 30 сентябрьгә кадәр юлларга кирәк.

Иң яхшы фотосурәтләр газетабызның беренче битендә дөнья күрәчәк. Җиңүчеләрне бүләкләр көтә.

Тулырак мәгълүматны 9-43-57 телефоны аша алырга мөмкин. Конкурсны “ТАТМЕДИА” АҖ филалы – “Маяк” газетасы редакциясе үткәрә.

Конкурсны үткәрү вакыты: 10.07.2021 – 30.09.2021

16+