Районыбыз данын лаеклы яклады

Педагог-оештыручылар арасында узган "Ел остазы" республика конкурсында Азнакай 2 нче урта мәктәбе укытучысы Регина Гомәрова 2 нче урынны яулады.

Конкурс ике этапта узды. Аның программасы киң иде: балалар иҗтимагый оешмасы программасын яклау, ачык чара үткәрү, иҗади эшләрне тәкъдир итү, импровизацияләнгән бәйге, визит карточкасы.

Икенче этапта республиканың төрле район һәм шәһәрләреннән 15 педагог-оештыручы көч сынашты. Регина Мирзанур кызы үз эшчәнлеген тирәнтен ачып салды һәм призлы урынга лаек булды.

Нәфисә Шәфыйкова, мәгълүмати-методик үзәк методисты