Күңел булды

Шушы араларда ЮХИДИның район бүлегенә машинама техник карау үткәрергә бардым. Элеккечә озын чират күрмәдем. Биредәге хезмәткәрләр мине ачык йөз белән каршы алып, әүвәл техник карауның тәртибен аңлаттылар. Түләү квитанциясен бирүче ханым да бик мөлаем, ачылып сөйләшә. Әллә өлкән яшьтәге кеше дипме, биредә барсы да миңа бик игътибарлы булды, биш минутта документларымны эшләп тә бирделәр. Моның өчен җаваплы хезмәткәр машинамны бик җентекләп карады, киңәшләрен бирде, бу да әллә ни вакытны алмады.

Гомумән, бүлектән бик күңелем булып чыктым. Аның начальнигы Рафаэль Шәрәфиев эшне бик төгәл, яхшы оештырган.

Ленар Бурин, пенсионер