Балаларга – автокресло

Россия эчке эшләр министрлыгы, дәүләт автоинспекциясе автоиминиятчеләрнең Россия берлеге белән, 1-30 ноябрь чорында балаларның хокукларын яклау һәм алар өчен куркынычсыз мохит тудыру максатында "Балаларга-автокресло" социаль кампаниясе үткәрә.

РФ Юл йөрү кагыйдәләре нигезендә 2007 елдан бирле 12 яшькәчә балаларны транспортта махсус җайланмаларда йөртү мәҗбүри итеп куела. Бу таләпне бозучыларга 500 сум күләмендә штраф каралган. Куркынычсызлык каешлары электерелмәгән пассажирларны йөрткән өчен дә штраф күләме шул ук.