Азнакайлылар начар гадәтләргә каршы көрәшә

«Спорт - начар гадәтләргә алмаш" Бөтенроссия акциясенең республика этабында Актүбә бистәсенең "Көмеш су" үзәге коллективы "Балаларга өстәмә белем бирүче мәгариф оешмаларының эше системасында сәламәтлек саклау технологияләре" номинациясендә 3 нче урынны яулады. Балалар иҗаты үзәге укучылары һәм педагоглары 3 номинациядә җиңүгә иреште: "Лидер" мәктәбе -"Волонтерлык профилактика эшен оештыру", "Табигать дуслары" һәм "Туган якның гореф-гадәтләре" берләшмәләре "Тикшеренү эшләре" номинацияләрендә беренчелекне алды. Методист Елена Горелова педагоглар номинациясендә 3 нче урынга чыкты.