Азнакайда парклар һәм скверлар елына әзерлек башланды

Татарстан Президентының 2015 елны Республикада парклар һәм скверлар елы дип игълан итү турындагы Указы 4 сентябрьдә көченә керде. Карамалы авыл җирлегендә бу уңайдан эш башланган да инде. Булачак скверның урыны билгеләнгән. Ул җирлек үзәге уртасындагы урамда, Бөек Ватан сугышында катнашучыларга куелган һәйкәл һәм мәчет арасындагы мәйданда булачак. Авыл җирлеге башлыгы Артур Ногманов белдерүенчә, иртә яздан анда агач үсентеләре утыртачаклар, уртасына тротуар салачаклар, декоратив койма белән әйләндереп алачаклар икән.