Азнакай – саннарда

1062 кеше бүгенге көндә район сәламәтлек сагында эшли. Шуларның 131е - табиб, 607се - шәфкать туташы.

Хезмәткәрләрнең күбесе югары белемле. 2011 елда нибары 3 яшь белгеч туган якка кайтып, үз белгечлекләре буенча эшли. Район үзәк сырхауханәсе баш табибы Айдар Шәмсетдинов хәбәр итүенчә, районда медицина хезмәткәрләренә кытлык - лор-табиб, кардиолог, балалар-яшүсмерләр наркологы, терапевт, педиатр, стоматолог, психиатр, инфекционист һәм санитаркалар җитми. Хезмәт базарында тар белгечле табибларга шулай ук сорау зур.