«Азнакай бөркетләре» – чын хоккейчылар

Азнакайда 2000 елгы яшь спортчылар арасында алкалы хоккей буенча зона ярышлары узды.

Киеренке көрәштә Азнакай, Яңа Чебоксар, Глазов, Казан, Лениногорск, Нефтекамск һәм Актаныш командалары катнашты. Атна буена дәвам иткән бәйгедә Яңа Чебоксар хоккейчылары - беренче, А.Уваров җитәкчелегендәге безнең спортчылар - икенче, ә Лениногорск командасы өченче урынны яулады.

Ярышта иң яхшы уенчылар да билгеләнде. Актаныш бистәсеннән Динар Гыйләҗев иң яхшы сакчы буларак танылды, «Азнакай бөркетләре» командасыннан һөҗүмче Равил Зәйнуллинга да тиңнәр булмады.