Сак булыгыз - туберкулез! Туберкулез - иң мәкерле йогышлы авыруларның берсе. Агымдагы елда безнең районда әлеге чир белән авыручы 13 кеше ачыкланган. Бу хакта дүшәмбе киңәшмәсендә район үзәк сырхауханәсе баш табибы Илдар Шиһапов белдерде. Флюорография узу - туберкулезны кисәтүче иң нәтиҗәле чараларның берсе булып торса да, 2014 елда флюорография узарга...
Сак булыгыз - туберкулез!
Туберкулез - иң мәкерле йогышлы авыруларның берсе. Агымдагы елда безнең районда әлеге чир белән авыручы 13 кеше ачыкланган. Бу хакта дүшәмбе киңәшмәсендә район үзәк сырхауханәсе баш табибы Илдар Шиһапов белдерде. Флюорография узу - туберкулезны кисәтүче иң нәтиҗәле чараларның берсе булып торса да, 2014 елда флюорография узарга тиешле 34420 азнакайлының нибары 29445е генә тикшерелгән.
- Медицина тикшерүе узмаган кешеләрне эшкә алу очраклары арта бара. Хәтта җәмәгать туклануы тармагында да шундый авырулы хезмәткәрләр бар, - ди баш табиб. Сүз уңаеннан, флюорография шулай ук үпкә яман шешен ачыклауда да ярдәм итә. Ун ай эчендә Азнакайда шундый 11 очрак теркәлгән.
Нет комментариев