Закиева Расиля Миннехаер кызын 55 яшьлек юбилее белән тәбрик итәбез

Якын дустыбыз, балаларыбызның беренче укытучылары булган Закиева Расиля Миннехаер кызының тормыш баскычларының гомер сукмаклары- 55 яшьлек юбилее белән тәбрик итәбез.

Сезнең йөрәкләрегездә 34 ел инде балаларга булган мәхәббәт кимеми. Дустыбыз, синең белән танышып татулашып йөрүебезгә дә 38 ел үткән инде. Безнең мөнәсәбәләр уртак шатлыклар, борчулар, маҗаралар, сәяхәтләр аша күптән дуслык чикләрен узып, туганнар дәрәҗәсенә җиткән. Тормышның кайсы гына өлкәсен алма, анда синең тәҗрибәң зуррак, нинди генә эшкә тотынма син аны әллә кайчан эшләргә өлгергәнсең. Кыскасы шул, бар яктан да уңган да, булган да хатын-кыз син. Шуңадырмы, мин һәрчак синең җитезлегеңә сокланып йөрим. Һәрчак шундый булып кал. Саулыгың белән чәчрәп торган матурлыгың йөзеңнән бер кайчан китмәсен. Киләчәктә дә тормыш иптәшең Зөфәр белән аркага - арка терәшеп, бер - берегезнең күңел яктылыгын тоеп, саулык белән яшәргә язсын.

Киләчәгегез бүгенгедән дә матурырак, бүгенгедән дә бәхетлерәк булуын телибез.

Сезгә зур хөрмәт белән Гариповлар гаиләсе