Йокыны алма, албасты!

Бу вакытта биоритмнар чуала, организм үзгәрешләр кичерә. Алай гынамы соң! Кояш чыгар алдыннан рухи халәт бөтенләй башкача була. Күп кенә халыкларда тәүлекнең бу вакыты, ягъни иртәнге 3 белән 4 арасы серле санала, хәтта “албасты вакыты” дип тә йөртелә. Әтәч өченче тапкырга кычкырганчы булган бу арада сәер хәлләр дә булгалый. Әйтик, ятакка йонлы түгәрәк җан иясе килеп менүе яки төшеп китүе, ниндидер тавышлар ишетелү, өйдә чит кеше йөргән кебек булып, куркып уянулар... башка бик күп хәлләр турында сөйләүчеләр бар. Нәкъ менә шушы вакытта белгечләр кешенең иң тирән йокыда булуын, организмның активлыгы нульгә төшүен әйтә. Карт кешеләр, җитди авырулылар да менә шул вакытта ешрак үлә икән. Экстрасенслар кеше аңы белән идарә итү өчен моны иң кулай сәгатьләр дип саный. Ә менә руханилар, киресенчә, Ходайга теләгеңне җиткерү, ялвару, тәүбә итү өчен

иртәнге сәгатьләр аеруча мөһим, ди.