Волонтерлар цифрлы телевидениене өйрәнә

Февраль уртасыннан башланган укулар бу атнада да дәвам итте. Анда дистәдән артык волонтер катнашты. Әлбәттә, аларның саны тагын да артсын иде дә бит. Ни хикмәттер яшьләребездә бераз пассивлык сизелә.

Теле-радио челтәре белгечләре аларны төрле маркадагы телевизорларны цифрлы тапшыруларга ялгану җайланмалары һәм алымнары белән таныштыра. Моны белмәгән өлкәннәребезгә нәкъ менә алар ярдәмгә киләчәк. Исегезгә төшерәбез, 3 июньнән Татарстан тулысы белән яңа төр алымга күчеп, элеккегесе бөтенләй туктатылачак.