Уттай янып тора миләш

Өй каршында миләш үсү өйне янгыннан, төрле күңелсезлекләрдән саклый дигән ышану да яши.
Миләш бактерицид үзлеккә ия, яфраклары белән миләш ботагы салып торган су 2 сәгать эчендә зарарлы микроблардан чистара, ди белгечләр.

Халыкта миләшкә кагылышлы мондый сынамышлар да бар:

•  Миләш чәчәк атканнан соң, кыраулар булмый.
•  Миләш иртә чәчәк атса, җәй кызу һәм коры килә.
•  Урманда миләш аз икән, октябрь коры, күп булса - елак килер.
•  Миләшнең җимешләре иртә кызарса, көз яңгырлы була, озакка сузыла.
•  Миләшнең уңышы күп булса, кыш кырыс килә, озакка сузыла.
• Миләш күп булган елны арыш чәчәргә кирәк.