ҖӘМГЫЯТЬ
Уф, йөрәгем, су бирегез
Җир шарында йөрәк-кан тамырлары авыруларыннан бик күп кеше үлә. Мәсәлән, Америка Кушма Штатларында ел саен 800000 нән артык кеше йөрәк авыруыннан, шуның 85-90 проценты йөрәк-кан тамырлары чиреннән вафат була. Шуңа күрә бу авыруның сәбәпләрен белү һәркемгә кирәк. * Йөрәк авыртуның төп сәбәбе - артериосклероз. Кан тамырларының тараюы аркасында аларның эченә...
Җир шарында йөрәк-кан тамырлары авыруларыннан бик күп кеше үлә. Мәсәлән, Америка Кушма Штатларында ел саен 800000 нән артык кеше йөрәк авыруыннан, шуның 85-90 проценты йөрәк-кан тамырлары чиреннән вафат була. Шуңа күрә бу авыруның сәбәпләрен белү һәркемгә кирәк.
* Йөрәк авыртуның төп сәбәбе - артериосклероз. Кан тамырларының тараюы аркасында аларның эченә холестерол утыра. Нәрсә соң ул холестерол? Бу - аксыл-сары төстәге майлы матдә. Ул йомырка сарысында, иттә, ак майда, сөттә һәм сырда күп.
* Матдәләрнең май алмашуы начарланган һәм холестеролны үзләштерү кимегән очракта, үзләштерелмәгән майлы матдәләр кан тамырларының стеналарына утырырга мөмкин һәм кан тамырларының тараюы, аларның катылануы ихтимал.
* Артериосклероз кан әйләнешенең начараюына китерә. Нәтиҗәдә, йөрәк мускуллары кислород белән начар тәэмин ителә. Шуның аркасында, ягъни кислород җитмәгәнлектән йөрәк авырта башлый.
* Күпчелек очракта йөрәкнең авыртуы күкрәк бакасы авыруы билгесе булып тора. Бу - бик җитди авыру. Ул еш кына өлкән яшьтәге ирләрдә була. Яшьрәк кешеләрнең дә авыруы бик ихтимал.
* Күкрәк бакасының төп билгеләре: йөрәк турысында кинәт кенә бик каты авырту барлыкка килә. Кеше куркуга тешә. Кайвакытта күкрәк кысыла, тын бетә. Берничә секунд чәнчеп-чәнчеп ала торган авырту тоясың. Шул чакта нитроглицерин төймәсе йоткач, авырту бетә. Бу, чыннан да, күкрәк бакасы авыруы икәнлеген күрсәтә.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев